बझाङबाट अर्जुनजङ्ग बहादुर सिंह बने नेपाली काँग्रेसको पहिलो केन्द्रिय सदस्य

बझाङ: नेपाली काँग्रेसको १४ औं महाधिवेशनमा बझाङबाट पहिलो पटक अर्जुनजङ्ग बहादुर सिंह केन्द्रिय सदस्यमा निर्वाचित भएका छन् । बझाङबाट नेपाली काँग्रेसको केन्द्रिय सदस्य बन्ने पहिलो नेता बनेका छन । सिंहले पिछडिएको क्षेत्र (भुगोल)बाट केन्द्रिय सदस्यको उम्मेदवारी दिएका थिए । सिंहले २ हजार ५ सय ७७ मत ल्याई आफ्ना निकटम प्रतिद्वन्दी दीपकजङ्ग शाहीलाई पराजित गरेका हुन । लामो समय देखि राजनितिमा सक्रिय सिंह पूर्व परराष्ट्र राज्यमन्त्री र कोरियाका लागि नेपाली राजदूत बनिसकेका छन ।

२०३४ साल देखि नेपाल विद्यार्थी संघ (नेविसंघ) बाट राजनिति सुरु गरेका सिंह २०४४ सालमा नेविसंघको केन्द्रिय उपसभापति बनेका थिए । २०५६ सालको निर्वाचनमा विजयी भएका सिंह परराष्ट्र राज्यमन्त्री भएका थिए । २०४८ सालदेखि बझाङ जिल्लाबाट नेपाली काँग्रेसको महासमिति सदस्य बन्दै आएका सिंह यसपालि केन्द्रिय सदस्य बनेका हुन। काँग्रेस भित्रको गुटमा उनी देउवा निकटका मानिन्छन ।