शिक्षककाे तलब निजामति कर्मचारीकाे भन्दा एक रुपैयाँ भए पनि बढी हुनुपर्छ : सांसद पाैडैल

नेकपा (माओवादी केन्द्र) का सांसद देवेन्द्र पौडेलले निजामती कर्मचारीकाे भन्दा शिक्षकको तलब बढी हुनुपर्ने बताउनुभएको छ । आइतवार प्रतिनिधि सभाअन्तर्गतको शिक्षा, स्वास्थ्य तथा सूचना प्रविधि समितिको बैठकमा सांसद पौडेलले शिक्षककाे तलब एक रुपैयाँले भए पनि कर्मचारीको भन्दा बढी हुनुपर्ने धारणा राख्नुभएको छ ।

विद्यालय बनाउने जिम्मेवारी शिक्षकको भएको भन्दै शिक्षक खुशी भएर विद्यालय नगएसम्म र राम्रो सेवा सुविधा नपाएसम्म उनीहरूले सङ्गठनात्मक गतिविधि गरिरहने बताउनुभयो । त्यसो हुँदा शिक्षण सिकाइमा स्तरीयता पनि नहुने सांसद पाैडेलकाे भनाइ छ । विद्यालय बनाउने भनेका शिक्षक र जबसम्म शिक्षक खुशी भएर विद्यालयमा प्रवेश गर्दैनन् तब सम्‍म शिक्षाा क्षेत्रको विकास हुन नसक्ने भन्दै राज्यको राम्राे सेवा सुविधा नपाएसम्म शिक्षक सङ्गठनात्मक गतिविधि गरिरहने समेत बताउनु भयो ।

एक रुपैयाँले भए पनि शिक्षकको तलब कर्मचारीकाे भन्दा बढी हुनुपर्छ भन्ने पक्षमा आफु रहेकाले  राज्यले त्यसरी प्रोत्साहन नगर्ने हो भने शिक्षा प्रणाली अरूले सुधार्न नसक्ने बताउनु भयो । सांसद पाैडेलले कार्यालय सहयोगी, लेखापाल र प्रारम्भिक बालविकास (ईसीडी) शिक्षकको समस्या पनि विद्यालय शिक्षा ऐनले समाधान गर्नेगरी आउनुपर्ने बताउनुभयो ।