नेपाली मोडलिङमा क्षेत्रमा बझाङका अविनाशको निरन्तरता, फेरि आए छोडी जाने गित लिएर 

बझाङको खप्तडछान्ना गाउँपालिका जन्मथलो भइ हाल विभिन्न म्युजिक भिडियोमा मोडलिङ गरिरहेका अविनाश थापा फेरि प्रमोद खरेलद्धारा स्वरवद्ध छोडी जाने गितमा देखिएका छन् । यस गितमा एक प्रेमिल जोडीमा देखिएको उतारचढावलाई केन्द्रित गरिएको छ । अविनाश एक युवतीको प्रेमीको रुपमा देखिएका छन् । उनलाई युवतीले धोका दिएर प्रेम सम्बन्ध टुङ्ग्याउन खोजेको म्युजिक भिडियोमा देख्न सकिन्छ ।

 विगत लामो समयदेखि मोडलिङ्ग क्षेत्रमा जम्दै गरेका बझाङका उदायमान कलाकार अबिनाश थापा काजीको शशक्त अभिनय रहेको‘छोडी जाने निष्ठुरीको’ यही मंसिर १ गते कमल अधिकारीको यूट्युब च्यानलबाट सार्वजनिक भएको छ।  

यस म्युजिक भिडियोमा भावना बान्तोला र प्रभास शिलवालले पनि मोडलिङ गरेका छन्। गीतको निर्देशन रमेश बिजुली बिसी र छायांकन सोनु बिकले गरेका छन्। विगत ८ वर्षदेखि निरन्तर रुपमा मोडलिङ गर्दै आएका अविनाश थापा काजीले २० वटा आधुनिक गीत र तीनवटा देउडा गीतमा अभिनय गरिसकेका छन्। 

थापाको केही समय अघि मात्रै ‘पागल’गीत सार्वजनिक भएको थियो । कलाकारिता क्षेत्रमा प्रवेश गरेको छोटो समयमै अविनाश चर्चाको शिखरमा पुग्न सफल भएका छन् । सानै उमेरदेखि कलाकारिता क्षेत्रमा रुची राख्ने थापाको बाल्यकाल भने बझाङको खप्तडछान्नामा बितेको हो ।

हेर्नुहोस् म्युजिक भिडियो