सुनकुडा नमुना क्याम्पसमा अनेरास्ववीयु गठबन्धनबाट बिजयी जोशी बिप्लव निकट अखिल क्रान्तिकारी प्रवेश

बित्थडचिर गाउँपालिका -९ स्थित सुनकुडा नमुना क्याम्पसका स्ववीयु कोषाध्यक्ष भानु जोशी बिप्लव निकट अखिल क्रान्तिकारीमा प्रवेश गर्नु भएको छ । नेकपा एकीकृत समाजवादी निकट अनेरास्ववियू गठबन्धनबाट क्याम्पसको स्ववियु कोषाध्यक्षमा निर्वाचित जोशी आइतबार बिप्लव निकट अखिल क्रान्तिकारीमा प्रवेश गर्नु भएको हो ।

पुरानो राज्यसत्ता र पुराना पार्टीबाट युवा विद्यार्थीका हकअधिकार नआउने भन्दै आफूले बिप्लव निकट अखिल क्रान्तिकारीमा प्रवेश गरेको जोशीले बताउनुभएको छ । अबको नेपाली विद्यार्थीको कार्यभार व्यक्ती होइन व्यवस्था नै फेर्नुपर्ने भएकाले आफू नेपाल कम्युनिष्ट पार्टी निकट अखिल क्रान्तिकारि संगठनमा आबद्ध भएको उहाँको भनाइ रहेको छ ।
आइतबार नेपाल कम्युनिष्ट पार्टी निकट अखिल क्रान्तिकारी संगठनले एक कार्यक्रमको आयोजाना गदै जोशीलाई संगठनमा स्वागत गरेका छन् । जोशीलाई स्वागत कार्यक्रममा बझाङ्गद्विप क्याम्पस स्ववीयू सभापति कमल सी, जिल्ला पार्टी इन्चार्ज भरत सी लगायत नेताहरुको उपस्थिति थियो । जोशी पहिलेदेखि नै अखिल क्रान्तिकारी बझाङ्ग जिल्ला इन्चार्ज कमल सि निकट देखिन्थे ।