बझाङमा निर्वाचन सुरक्षामा खटिएका म्यादी प्रहरीको बिदाई

बझाङ: प्रतिनिधि सभा तथा प्रदेश सभा सदस्यका लागि मङ्सिर ४ गते भएको निर्वाचन सुरक्षामा खटिएका म्यादी प्रहरीको बिदाइ गरिएको छ । बझाङ जिल्लामा पनि भर्ना गरिएका ११ सय ८८ जना म्यादि प्रहरिको समेत आज एक कार्यक्रमका बिच बिदाई गरिएको हो ।  जिल्ला सदरमुकाम चैनपुर, जिल्ला प्रहरि कार्यालय र अन्य ईलाका प्रहरी कार्याहरुले उनिहरुलाई प्रमाण पत्र, अविर लगाएर सम्मानका साथ विदाई गरिएको बताईएको छ । निर्वाचनको लागी जिल्ला प्रहरी कार्यालय बझाङबाट भर्ना लिएका म्यादी प्रहरीहरु लाई मंसिर ४ गते निर्वाचन सम्पन्न पश्चात आज बझाङका प्रहरी नायव उपरीक्षक डिएसपि जागेश्वर भण्डारीद्वारा विदाई गरिएको जिल्ला प्रहरी कार्यालय बझाङका सुचना अधिकारी रमेशदत्त अवस्थिले जानकारी दिनुभयो ।

यस्तै जिल्लाका १२ वटै स्थानिय तहमा रहेका ईलाका प्रहरि र अन्य वडामा रहेका सहायक ईलाकामा कार्यरत प्रहरिले उनिहरुको विदाई गरेका हुन् । निर्वाचनको समयमा प्रहरी कर्मचारी संगै खटिई निर्वाचनलई स्वच्छ, निष्पक्ष तथा भय रहित वातावरणमा सम्पन्न गराउन पु¥याउनु भएको योगदानको उच्च कदर गरेको भन्दै सबै म्यादि प्रहरिहरुलाई जिल्ला प्रहरि कार्यालय बझाङले धन्यवाद समेत ज्ञापन गरेको छ । यस्तै निर्वाचनको क्रममा खटिएका देशभरबाट एक लाख १५ हजार म्यादी प्रहरीको समेत बिदाइ गरिएको छ । गृह मन्त्रालयले तयार पारेको विशेष सुरक्षा योजनाअन्तर्गत निर्वाचन सुरक्षाका लागि म्यादी प्रहरी भर्ना गरिएको थियो । नेपाल प्रहरीले गत असोज ३० गते ७७ वटै जिल्लाबाट एक लाख १५ हजार म्यादी प्रहरी भर्ना गरेको थियो । म्यादी प्रहरीलाई धन्यवाद तथा प्रमाणपत्रसहित बिदाइ गरिएको छ । निर्वाचन सुरक्षा योजनाअन्तर्गत नेपाली सेना, नेपाल प्रहरी, सशस्त्र प्रहरी बल तथा राष्ट्रिय अनुसन्धान विभागलाई संयुक्त रूपमा परिचालन गरिएको थियो ।