सुदूरपश्चिम

कसम खुवाएर मात्रै मतदान सहभागी हुन्छौं : खप्तडछान्नाबासी

जयपृथ्वी डेली

आइतबार, कात्तिक २०, २०७९

कसम खुवाएर मात्रै मतदान सहभागी हुन्छौं : खप्तडछान्नाबासी

खप्तडछान्ना गाउँपालिकाको खाती गाउँका स्थानीय

गत वर्ष असोज ३१ गते देखि कात्तिक २ गते सम्म परेको अबिरल बर्षाका कारण बिचल्लीमा परेका यहाँका बाढी पीडितहरुले आफ्नो समस्या समाधान गर्ने दललाई मतदान गर्ने बताएका छन् ।

बाढी पहिरोका कारण कारण उठीबास भएका जिल्लाको खप्तडछान्ना गाउँपालिकाका बाढी पीडितहरुले बगाएको घर खेत देखाउँदै आफूहरुका समस्या समाधान गर्ने दललाई भोट दिने बताएका हुन् ।

आगामी मंसिर ४ गते हुने निर्वाचनका लागि दलहरु घरदैलोमा पुगेका बेला आफूहरुको समस्या समाधान गर्न कुनै पनि पहल नगरेको बताउँदै आगामी निर्वाचनमा बाढी पीडितका समस्या समाधान गर्ने बाँचापछि मात्र भोट दिने बताएका हुन् ।

खप्तडछान्ना – १ खाती गाउँका शुरेन्द्र खातीले एक वर्षसम्म आश्वासनमा बिताएको र सरकारी क्षेत्रबाट सोचे जति सहयोग नभएको हुँदा यो निर्वाचनमा आफ्ना समस्या समाधान गर्नेलाई कसम खुवाएर मात्रै भोट हाल्ने निर्णयमा पुगेको बताउनुभयो ।

बाढी र पहिरोका कारण उठिबास भएका जिल्लाको खप्तडछान्ना गाउँपालिकाका झण्डै ७७ परिबारको अहिलेसम्म पनि बिचल्लीमा छन् । कसैको बस्ने घर छैन् भने कसैले आफन्तको गोठ तथा घरमा शरण लिएर बस्नु परेको छ ।

प्रकाशित मिति: आइतबार, कात्तिक २०, २०७९

प्रतिक्रिया दिनुहोस्

जयपृथ्वी डेली

यो रेडियो जयपृथ्वी बझाङद्धारा सञ्चालित अनलाइन हो । २०७८ सालको शुभ अवसर पारी स्थापना भएका यो मिडिया हाउसले ताजा,सन्तुलित र निष्पक्ष समाचार र लेख रचना प्रसारण प्रकाशन गर्नेछ ।

थप सुदूरपश्चिम