बझाङको दुर्गाथलीमा मृत फेला परेका वृद्धको पहिचान खुल्यो

बझाङमा एक पुरुषको शव फेला परेको छ । जिल्लाको दुर्गाथली गाउँपालिका–३ को गौरेनी खोलामा एक वृद्ध पुरुषको शव फेला परेको हो । ती पुरुष दुर्गाथली ७ का किउटरो कामी रहेको जिल्ला प्रहरी कार्यालय बझाङका सूचना अधिकारी रमेशदत्त अवस्थीले बताउनुभयो ।

उहाँका अनुसार घरमा सामान्य विवाद भएपछि दुर्गाथली ३ रकैल जान्छु भनी हिडेका उनी दुर्गाथली ३ गौरेनी खोलामा मृत भेटिएका हुन् । गौरेनी खोलामा बिहान ११ बजे स्थानीयले शव देखेपछि प्रहरीलाई खबर गरेका थिए ।