भोपुरमा महिला पुरुष फुटबल प्रतियोगिता सुरु, प्रतियोगीतामा १८ वटा टिमले सहभागीता जनाउँदै

बझाङको जयपुथ्वी नगरपालिका ११ भोपुरमा आजदेखि महिला÷पुरुष फुटबल प्रतियोगिता सुरु भएको छ । नेपालीहरुको महान् पर्व विजयी दशमी र तथा दिपावालीको अवसर पारेर फुटबल प्रतियोगीता आयोजना गरिएको हो ।  प्रतियोगीतामा १८ वटा टिमको सहभागीता रहेको र जसमध्ये २ मात्रै महिला टिम सहभागी रहेका आयोजक टिमका शैलेन्द्र हमालले बताउनुभयो । 
असोज २५ गतेबाट सुरु भनिएको प्रतियोगीता अबिरल वर्षाका कारण ३ दिन पछाडिबाट सुरु भएको हो । आज जयपृथ्वी नगरपालिका वडा नम्बर ११ का वडाध्यक्ष सर्जन थापाको अध्यक्षतामा भएको उद्घाटन कार्यक्रममा जयपृथ्वी नगरपालिकाका प्रमुख चेतराज बजाल प्रमुख अतिथि, उपमेयर रतनबहादुर सिंह, नेकपा एमालेका प्रतिनिनिधि सभा सदस्य ऐन महर, सत्यवादी मावि भोपुरका प्रधानाध्यापक रामदत्त उपाध्याय लगायत विशिष्ट अतिथि रहनुभएको थियो ।  
पुरुष प्रतियोगिताको प्रथम विजेताले ४१ हजारसहित ट्रफी र मेडल प्राप्त गर्नेछ । दोस्रो हुनेले २५ हजार रुपैयाँसहित ट्रफी र मेडल प्राप्त गर्नेछन् र महिला प्रतियोगिताको प्रथम विजेताले १० हजारसहित ट्रफी र मेडल प्राप्त गर्नेछ यस्तो दोस्रो हुनेले मेडल र प्रमाणपत्र प्राप्त गर्नेछ ।