मष्टा गाउँपालिकाले नियमविपरित ५५ जना कर्मचारी भर्ना गरेको पाइयो, रिक्त दुई वडामा छिटो सचिव पदपुर्ति गर्न महालेखाको सुझाव

मष्टा गाउँपालिकाले नियमविपरीत ५५ जना कर्मचारी भर्ना गरेको पाइएको छ । महालेखा परीक्षकको प्रतिवेदन २०७९ अनुसार पालिकाका निवर्तमान जनप्रतिनिधिले विभिन्न पदमा ५५ जना कर्मचारी करारमा राखेर २ करोड ०१ लाख ६३ हजार रुपैयाँ खर्च गरेको पाइएको हो। 

कर्मचारी करार कर्मचारी करार स्थानीय सरकार सञ्चालन ऐन, २०७४ को दफा ८३ मा स्थानीय तहले आफ्नो अधिकार क्षेत्र र कार्यबोझको विश्लेषण गरी संगठन तथा व्यवस्थापन सर्वेक्षणको आधारमा स्थायी प्रकृतिको कामको लागि तथा सेवा करारबाट लिइने कर्मचारीको दरबन्दी प्रस्ताव गर्नुपर्ने र अस्थायी दरबन्दी सिर्जना गर्न नसकिने व्यवस्था छ ।

मष्टा गाउँपालिकाले भने विभिन्न पदमा ५५ जना कर्मचारी करारमा राखी २ करोड ०१ लाख ६३ हजार रुपैयाँ खर्च गरेको हो ।

यस्तै महालेखाले मष्टा गाउँपालिकाका ७ वटै वडामा वडा सचिव नभएको हुँदा स्थानीय तहको विकास निर्माण तथा सेवा प्रवाह लगायतका कार्य प्रभावित हुनसक्ने भन्दै रिक्त रहेका दुई वटा वडामा छिटो वडा सचिव पदपूर्ति गर्न पनि सुझाएको छ ।