साइपालमा लडेर म्भीर घाइते भएका ३ जनाको हेलिकप्टरबाट उद्धार गरियो

बझाङ : साइपाल गाउँपालिकामा छुट्टाछुट्टै ठाउँमा लडेर दुई जना गम्भीर घाइते भएका छन् । घाइते हुनेहरुमा लेकबाट यार्सा संकलन गरेर घर फर्किरहेका साइपाल ४ धुलीका शिबु रोकाया र साइपाल गाउँपालिका–३ काँडाका ३३ वर्षीय पूर्णबहादुर बोहरा पनि ढोगदिना भन्ने जंगलमा दाउरा काट्ने क्रममा लडेर घाइते भएका थिए ।

यस्तै घरमा खेलिरहेको अवस्थामा लडेर घाईते भएका ६ बर्षिया आर्यन गुरुङको पनि उद्धार गरिएको छ । घाईतेहरुको हेलिकप्टरबाट उद्धार गरिएको छ ।

बोहराको टाउकोमा गम्भीर चोट लागेको छ भने रोकायाको टाउको र शरिरमा गम्भीर चोट लागेको छ । गम्भीर घाइते उनीहरुको बझाङमा उपचार सम्भव नभएपछि साईपाल गाउँपालिकाका अध्यक्ष मानविर बोहराको पहलमा सिम्रिक एयरको हेलिकप्टर मार्फत नेपालगञ्ज रेफर गरिएको छ ।

तीनै जनाको गरि ४ लाख बढी रकममा हेलिकप्टर हायर गरेर उपचारका लागि नेपालगञ्ज लगिएको साईपाल गाँउपालिकाका अध्यक्ष मानविर बोहराले जानकारी दिनुभयो ।