छविसपाथिभेराको लेकगाउँ स्वास्थ्य चौकीमा सोलार जडान, गुणस्तरीय स्वास्थ्य सेवा प्रवाहमा सहयोग पुग्ने

बझाङ : बझाङको छबिसपाथिभेरा गाउँपालिका ६ को लेकगाउँ स्वास्थ्य चौकीमा सोलार जडान गरिएको छ । छबिसपाथिभेरा गाउँपालिकाको सहयोगमा २.५ किलोवाट क्षमताको सोलार शनिबार जडान गरिएको हो ।

खोरी गाड लघुजल विद्युत जडान गरिएको स्वास्थ्य चौकीमा २४ घण्टा बत्ती नहुँदा सेवा प्रवाहमा समस्या हुँदै आएको स्वास्थ्य चौकी प्रमुख देउपाल जप्रेलले बताउनुभयो । उहाँले बिरामीहरू सेवा लिन २४ घण्टा स्वास्थ्य चौकीमा आए पनि बत्तीको २४ घण्टा उपलब्धता नहुँदा समस्या रहेकाले सोलार जडान गरिएको बताउनुभयो ।

विगत लामोसमयदेखि सोलार नहुँदा सेवा प्रवाहमा समस्या खेप्दै आएको लेकगाउँ स्वास्थ्य चौकामा सोलार जडान भएपछि गुणस्तरीय सेवा प्रवाह गर्न सहज हुने भएको छ ।

२४ घण्टा बत्ती उपलब्ध हुदा कोल्ड चेन ब्यवस्थापन (खोप), सुत्केरि सेवा, प्रयोगशाला सेवा,गर्भवतीलाई भिडियो एक्सरे सेवा तथा अनलाइन रेकर्ड,रिपोर्टिङमा हुँदै आएका समस्याहरुको सामधान भइ गुणस्तरीय स्वास्थ्य सेवा प्रवाह गर्नमा थप सहयोग भएको स्वास्थ्य चौकी प्रमुुख जप्रेलले बताउनुभयो ।