सुदूरपश्चिममा पनि ठूलो वर्षाको सम्भावना

बझाङ : आज दिउँसो पनि सुदूरपश्चिम लगायतका ठाउँमा ठूलो वर्षाको सम्भावना रहेको छ। 

वाग्मती, गण्डकी, प्रदेश–१, मधेस, लुम्बिनी र सुदूरपश्चिम प्रदेशका केही ठाउँमा दिउँसो ठूलो पानी पर्ने मौसमविद् प्रतिभा मानन्धरले बताए। 
उनका अनुसार अहिले देशका धेरै ठाउँमा हल्कादेखि मध्यम खालको वर्षा भइरहेको छ। तर, दिउँसो फेरि पानी पर्ने मौसमविद्ले बताएका छन्। 

देशभर मनसुन सक्रिय रहेकाले दिउँसो देशका सबैजसो ठाउँमा पानी पर्ने मौसमविद्ले बताएका छन्। 

बेलुकीपख भने ठूलो पानी नपर्ने उनले बताए। मनसुनी न्यून चापीय रेखा औसतभन्दा उत्तरतिर अर्थात नेपालको दक्षिणी क्षेत्र नजिक रहेकाले लगातारजसो पानी परिरहेको मौसमविद्ले बताएका छन्।