धनगढीका २ जना सवार थिए दुर्घटनामा परेको जहाजमा

तारा एयरको जहाज दुर्घटनामा मृत्यु भएकाहरुको शव सिधै काठमाडौं लगिने भएको छ। मुस्ताङको थासाङ गाउँपालिका–२ सानुसरे भन्ने भिरमा जहाज दुर्घटना भएको अवस्थामा आज बिहान भेटिएको थियो।

अहिले त्यहाँ सेना र स्थानीयको टोलीले शव संकलन गरिरहेका छन्। उक्त विमानमा धनगढीका दुई जना पनि सवार रहेको पाइएको छ। धनगढी उपमहानगरपालिका वडा नम्बर १४ फुलबारीका पुरुषोत्तम गोले र उनकी श्रीमती इन्द्रदेवी तामाङ विमानमा सवार रहेको पुष्टि भएको हो।

उनीहरु गलैचा उद्योग सञ्चालन गरी काठमाडौं बस्दै आएका थिए। उनीहरुको पुर्खेउली घर भने धनुषा हो।