कैलालीमा दास हत्या प्रकरणः १० जना संलग्न, फरारको खोजीमा प्रहरी

बझाङ; कैलालीको जानकी गाउँपालिका–९ अमरावतीस्थित सामुदायिक वनभित्र मृत भेटिएका २५ वर्षीय अर्जुन दासको हत्यामा दश जनाको संलग्नता रहेको खुलेको छ। हत्यामा १० जनाको संलग्नता रहेको खुलेको अपराध महाशाखाले जनाएको छ । यस्तै महाशाखाले हत्या आरोपमा चारजनालाई पक्राउ गरिसकेको बताएको छ। पक्राउ पर्नेहरुमा कैलाली जानकी ९ का सुमिद साउद, दिलिप दास, मनोज भण्डारी र बमबहादुर बोहोरा छन्। हत्या आरोपी १० जनामध्ये चारलाई प्रहरीको अपराध महाशाखाले पक्राउ गरी आज सार्वजनिक गरेको हो। बाँकी फरार आरोपीको पनि खोजी भइरहेको प्रहरीले जनाएको छ। प्रहरीका अनुसार पक्राउ परेकाहरुले हत्या गरेको स्वीकारेका छन् । जानकी गाउँपालिका–९ अमरावतीका अर्जुनको शव टाउको छिनालेर रुखमा बाँधेको अवस्थामा गत पुसमा अमरावती सामुदायिक वनमा भेटिएको थियो।