जिल्ला प्रहरी कार्यालय बझाङ मातहतका ९४ जना प्रहरी अधिकृतले पाए दर्ज्यानी चिह्न

बझाङ: जिल्ला प्रहरी कार्यालय बझाङ अन्तर्गत मातहतका कार्यालयमा कार्यरत ९४ जना प्रहरी अधिकृतलाई दज्र्यानी चिन्ह प्रदान गरिएको छ । प्रहरी नायव निरीक्षकबाट प्रहरी वरिष्ठ नायव निरीक्षक, प्रहरी सहायक हवल्दार बाट प्रहरी बरिष्ठ हवल्दार र प्रहरी जवान पद बाट प्रहरी सहायक हवल्दारमा बढुवा भएका प्रहरी अधिकृतलाई दर्ज्यानी चिह्न प्रदान गरिएको हो । जिल्ला प्रहरी कार्यालय बझाङ मातहतका २ जना प्रहरीवरिष्ठ नायव निरीक्षक, २२ जना प्रहरी बरिष्ठ हवाल्दार र ७० जना प्रहरी सहायक हवल्दारमा बढुवा भएका छन ।

शुक्रबार जिल्ला प्रहरी कार्यालय बझाङमा आयोजित कार्यक्रममा पदोन्नति भएका प्रहरी कर्मचारीलाई जिल्ला प्रहरी कार्यालय बझाङका प्रमुख डिएसपी ज्ञान बहादुर विष्टले दर्ज्यानी चिह्न प्रदान गर्नु भएको छ । डिएसपी विष्टले पदोन्नति भएका कर्मचारीलाई बधाई दिँदै अझै क्रियाशील, जिम्मेवार र समर्पित भई सेवा गर्न निर्देशन दिनुभएको जिल्ला प्रहरी कार्यालय बझाङका सुचना अधिकारी कमल चौधरीले जानकारी दिनु भयो ।