जयपृथ्वी नगरपालिकाले इसिडी शिक्षकहरुलाई संघिय सरकारले र्निधारण गरे अनुसार तलब सुविधा दिने

बझाङ :  प्रारम्भिक बालविकास सहजकर्ता इसिडी शिक्षक र विध्यालयका कर्मचारी परिचर लेखापालले संघिय सरकारले र्निधारण गरेको तलव सुविधा पाउने भएका छन् । बझाङको जयपृथ्वी नगरपालिकाले यहि फागुन १ गतेदेखि पाउने गरी खाईपाई आएको ८ हजारमा ७ हजार रुपैयाँ थप गरी इसिडी शिक्षक विध्यालय सहयोगी र लेखापाललाई अनुदान स्वरुपदिन लागेको जयपृथ्वी नगरपालिकाका शिक्षा संयोजक राजेन्द्र जोशीले बताउनुभयो ।

जयपृथ्वी नगरपालिका कार्यपालिकाको बसेको बैठक र हिउँदे अधिवेशनले उनिहरुलाई संघिय सरकारले उपलब्ध गराएको रुपैयाँमा फागुन १ गते देखी पाउने गरी ८ हजार रुपैयाँ थप गर्ने निर्णय गेको छ । नगरपालिकाले बजेट व्यवस्थापन गरेर निर्णय बमोजिम तलब निकासा गर्न लागेको हो । 

नगरपालिका भित्र ४४ जना इसिडी शिक्षक सहित ५५ जना विध्यालय सहयोगी र ७ जना लेखापालका गरी १ सय १२ जनाका लागी ४९ लाख २० हजार रुपैयाँ बजेट रकमसमेत विनियोजन गरेको जयपृथ्वी नगरपालिका आन्तरिक लेखापरिक्षक लाल बहादुर खातीले बताउनुभयो । साथै कार्यपालिकाको बैठकले हिउँदे अधिवेशनबाट उक्त प्रस्ताव अनुमोदन समेत भइसकेको  खातीको भनाई छ । संघिय सरकारले निर्धारण गरेको बालविकास सहजकर्ता शिक्षक, विध्यालयका सहयोगी, लेखापालले बेलाबेलामा जयपृथ्वी नगरपालिकाले तलब सुविधा नदिएको भन्दै आन्दोलन गर्दै आएका थिए । 

अरु शिक्षक जस्तै आफु दिनभर विद्यार्थीहरुलाई पढाउँदै आएको भए पनि महिनाको ८ हजार मात्रै पाउने गरेको र जयपृथ्वी नगरपालिकाले फागुन १ देखी लागु हुने गरी ७ हजार रुपैयाँ थप दिने निर्णय गरेपछी अहिले आफुहरु खुसी रहेका सुनिपिपल उच्चमाध्यामिक विध्यालय सुवेडामा कार्यरत इसिडी शिक्षक बसन्ती जोशीले बताउनुभयो ।

आफू २०६४ साल देखी बाल सहयोगी कार्यकर्ताको रुपमा सुरुको बर्ष ७ सयदेखि अहिलेसम्म काम गर्दै आएको र विद्यालयमा पढाउँदा पढाउँदै १४ बर्ष विते पनि हाल तलब सुविधा बढेपछि घरखर्च समेत चलाउन केहि सहज हुने जोशीले बताउनुभयो ।