बझाङमा २३ हजार बढी विद्यार्थीले कोरोना भाइरसविरुद्धको मोडर्ना खोप लगाए, १५ हजार बढी खोप लगाउनबाट बञ्चित 

बझाङ : बझाङमा २३ हजार बढी विद्यार्थीले कोरोना भाइरसविरुद्धको मोडर्ना खोप लगाएका छन्। गत सोमबार ५ गते देखि जिल्लाका २३ हजार ४ सय ६५ जना १२ देखि १७ वर्ष उमेर समूहका विद्यार्थीलाई मोडर्ना खोप दिइएको स्वास्थ्य कार्यालय बझाङले जनाएको छ। 

स्वास्थ्य कार्यालय बझाङका अनुसार ९९ वटा विद्यालय र पालिकाका स्वास्थ्य संस्थाबाट मोडर्ना खोप लगाइएको हो । स्वास्थ्य कार्यालय बझाङलाई प्राप्त २४ हजार खोप संख्या मात्रै भएकाले अहिले २३ हजार ४ सय ६५ जना विद्यार्थी तथा बालबालिकाले खोप लगाएको स्वास्थ्य कार्यालय बझाङका कोरोना फोकल पर्सन नारायण जोशीले बताउनुभयो । 

उहाँका अनुसार बझाङमा १२ देखि १७ वर्ष उमेर समूहका ३९ हजार एक सय २४ जना विद्यार्थी भए पनि खोप अभावका कारण सबैलाई खोप सुविधा दिन नसकिएको हो । अझैं १५ हजार ६ सय ५९ जना मोडर्ना खोप लगाउनबाट बञ्चित भएका छन् ।