बालबालिकाको क्षेत्रमा प्रगतिशिल युवा समाजले गरेको काम प्रभावकारी छः नगर प्रमुख खडका 

बझाङ : प्रगतिशिल युवा समाजले संस्थाले संचालन गर्दै आएको कार्यक्रमको बारेमा सरोकारवाला संग छलफल गरेको छ । जयपृथ्वी नगरपालिकाको सभाहलमा नगरपालिकाका जनप्रतिनिधि र सरोकारवाला संग कार्यक्रमका उदेश्य र संचालन हुने ठाँउका बारेमा छलफल गरेको हो । समाजले वल्र्डभिजन ईन्टरनेश्नल नेपालको सहयोगमा समावेशी तथा गुणस्तरिय शिक्षा संरक्षण तथा समुदायमा आधारित बाल प्रायोजन कार्यक्रम संचालन गरिरहेको छ । 

अतिविपन्न तथा जोखिममा रहेका बालबालिकाका लागी ल्याईएको कार्यक्रम प्रभावकारी हुदै आएको छ । विगत दुई बर्ष देखि संस्थाले जिवीकोपार्जन, बालस्पोन्सरसिप र गुणस्तरिय शिक्षा परियोजना अन्र्तगत केदारस्यु र जयपृथ्वी नगरपालिकाका विभिन्न वडामा कार्यक्रम संचालन गरिरहेको छ । संस्थाले बालबालिकाको सिकाईका लागी लकडाउनका समयमा जोखिममा रहेका बालबालिकाका लागी स्वअध्ययन सामाग्री र सिकाई मेलाको अयोजना गरेको थियो । 

विपदमा परेकाहरुलाई राहात पनि उपलब्ध गराउदै आएको संस्थाले नगरपालिकाका जनप्रतिनिधि संग कार्यक्रमका बारेमा छलफल गरेको हो । संस्थाका कार्यकारी निर्देशक लवराज जोशीले संस्थाले बालबालिका र जिवीकोपार्जनको क्षेत्रमा नगरपालिकामा गरेका कार्यक्रमका बारेमा जानकारी गराएका थिए । जोशीले नयाँ कार्यक्रमका लागस्ी पनि नगरपालिका संग अनुमति माग गरेको पत्र बुझाएका छन । 

छलफल कार्यक्रममा बोल्दै नगर प्रमुख विरेन्द्र खडकाले संस्थाले गरेको काम जनमुखी र निकै प्रभावकारी भएकाले सहकार्य गर्न तयार रहेको बताए । नयाँ कार्यक्रमको स्वीकृतीका लागी पत्र बुझ्दै खडकाले संस्थाहरुका हरेक कार्यक्रममा स्थानिय सरकार सहकार्य गर्न तयार रहेको बताए । प्रगतिशिल युवा समाजका अध्यक्ष रमेश केसीले देश विकास र समाज परिवर्तनका लागी गैरसरकारी संस्थाको पनि महत्वपुर्ण भएकाले स्थानिय सरकारको सहयोग आवश्यक रहेको बताउनु भयो ।