बझाङमा सेनाको हेलिकप्टर मार्फत सुत्केरी महिलाको उद्धार

बझाङ: बझाङमा एक जना सुत्केरीको हेलिकप्टरमार्फत उद्धार गरिएको छ । बझाङको थलारा गाँउपालिका ९ कि २१ बर्षिया सम्झना भण्डारीको हेलिकप्टरमार्फत उद्धार गरी जिल्ला अस्पताल बझाङ ल्याईएको छ । भण्डारीलाई सुत्केरी व्यथाले च्यापे पछि उनी मंगलबार विहान मालुमेला स्वास्थ्य चौकी पुगेकी थिइन् । पहिलो पटक सुत्केरी भएकाले समय लागिहाल्छ भनेर स्वास्थ्य चौकीमै सुत्केरी गराउने प्रयास भएको भएपनि अवस्था जटिल हुन थालेपछि बाहिर पठाउनु पर्ने अवस्था आएको मालुमेला स्वास्थ्य चौककीका ईन्चार्ज विकास खडकाले बताए । प्रतिनिधि सभा सदस्य आशा कुमारी बि.कको पहलमा आज विहान थलाराको पहिरोमा परेकाहरुको खोजीका लागी आएको नेपाली सेनाको हेलिकप्टर मार्फत जिल्ला अस्पताल ल्याईएको हो ।