दशैं तिहारलाई मध्यनजर गर्दै बझाङको ४ ठाउँमा यात्रु सहायता कक्ष स्थापना

बझाङ : दशैं तिहारलाई मध्यनजर गर्दै बझाङमा यात्रु सहायता कक्ष स्थापना गरिएको छ । चाडपर्वको समय यात्रुहरु ठगिने, सवारी साधनले बढी यात्रु राख्ने क्रम बढ्न सक्ने भन्दै जिल्ला प्रहरी कार्यालयले वित्थड, बाग्थला, झोता र सिमखेत यात्रु सहायता कक्ष स्थापना गरिएको छ । 

कुनै पनि सवारी साधनले बढी यात्रु बोकेमा, तोकेभन्दा बढी भाडा लिएमा तुरुन्तै नजिकको सहायता कक्ष वा प्रहरीको निशुल्क हटलाइन नम्बर १०० मा फोन गर्न प्रहरीले भनेको छ ।

यात्रुको सहायताका लागि कक्षमा जनपथ र ट्राफिक प्रहरी बस्ने जिल्ला प्रहरी कार्यालय बझाङका प्रमुख रुपक खड्काले बताउनुभयो ।

उहाँका अनुसार प्रहरीले यात्रु यात्रुबीचको सामाजिक दुरी, तपाइको माक्स खै भन्ने अभियानलाई निरन्तरता दिइनेछ ।  साथै अर्को निर्णय नभएसम्मका लागि साँझ ७ बजदेखि बजार बन्द गर्ने निर्णय पनि निरन्तरता दिइएको छ ।