सेती नदी किनारमा मृत अवस्थामा भेटिएकी महिलाको पहिचान खुल्यो

बझाङ : बझाङको सेती नदी किनारमा बुधबार दिउसो मृत अवस्थामा फेला परेकी महिलाको शव पहिचान भएको छ । शव बझाङको तलकोट गाउँपालिका-३ बस्टिकी २६ वर्षीया धनलक्ष्मी भण्डारी रोकायाको भएको जिल्ला प्रहरी कार्यालय बझाङका डिएसपी रुपक खड्काले बताउनुभयो ।

धनलक्ष्मी असोज ८ गते राती घर बाटै सम्पर्क विहिन भएपछि खोजिदिन आफन्तले जिल्ला प्रहरी कार्यालयमा निवेदन दिएका थिए । भण्डारीको शव आज दिउँसो २ बजे बझाङको जयपृथ्वी नगरपालिका- १० पानकोट पुलको तल सेती नदी किनारमा भेटिएको थियो । 

मृतक महिलाका श्रीमान भारत बस्दै आएका र २ छोरा घरमै रहेको प्रहरीले बताएको छ । शब पोष्टमार्टमको लागि जिल्ला अस्पताल सिमखेत पठाएको छ । धनलक्ष्मी असोज ८ गते राती घरबाट एक्कासि बेपत्ता भएकी घरपरिवारले बताएको प्रहरीले जनाएको छ । घटनाको थप अनुसन्धान भइरहेको जिल्ला प्रहरी कार्यालय बझाङले जनाएको छ ।