जिल्ला स्तरिय क्षयरोग कोहर्ट बिश्लेषण तथा बार्षिक समिक्षा गोष्ठि सम्पन्न

बझाङमा जिल्ला स्तरिय क्षयरोग  कोहर्ट बिश्लेषण तथा बार्षिक समिक्षा गोष्ठि कार्यक्रम आज सम्पन्न भएको छ । स्वास्थ्य कार्यालय बझाङ्गको आयोजनामा  जिल्लाका १२ वटेै पालिकाले  प्रतिनिधित्व  हुने गरि आर्थिक बर्ष २०७७।७८ मा सञ्चालित क्षयरोग नियन्त्रण कार्यक्रमहरुको समिक्षा भएको स्वास्थ्य कार्यालय बझाङ्गका क्षयरोग फोकल पर्सन नारायण जोशीले बताउनु भयो । जाेशीका अनुसार बझाङमा क्षयरोगका नयाँ बिरामी पत्ता लाग्ने दर ६७ प्रतिलाख रहेको छ भने बिरामीको  उपचार सफलता दर ८९ प्रतिलाख रहेको छ ।

आर्थिक बर्ष २०७७।७८ मा जम्मा १४९ जना क्षयरोगका बिरामि हरुले जिल्लाका बिभिन्न स्वास्थ्य सस्थाबाट उपचार लिएका छन । बिगत बर्षको तुलनामा यस वर्ष नयाँ बिरामि पत्ता लाग्ने दर १४ प्रतिलाखले बढेको छ।  नेपालले सन २०३५ सम्ममा क्षयरोग मुक्त देश घोषणा गर्ने लक्ष्य लिए पनि समुदायमा क्षयरोगका बिरामि हरु धेरै भएको र  उपचारको दायरा ल्याउन नसक्दा चुनौति थपिएको स्वास्थ्य कार्यालय प्रमुख भानुभक्त जोशीको भनाई छ । समाजमा अपहेलित हुने डरले क्षयरोगका बिरामिहरु अहिले पनि रोग लुकाएर  बस्ने गरेका छन । स्थानिय निकायस‌ग  छलफल गरि लुकेर रहेका बिरामिहरु लाई उपचारको दायरामा ल्याउने किसिममा कार्यक्रमहरु सञ्चालन गरे मात्र लक्ष्यमा पुग्न सकिने जोशीको भनाई छ ।