पछिल्लो २४ घण्टामा देशभर ३३६५ जनामा कोरोना संक्रमण पुष्टि 

काठमाडौः पछिल्लो २४ घण्टामा देशभर ३ हजार ३ सय ६५ जनामा कोरोना संक्रमण पुष्टि भएको छ । यो संगै देशभर कोरोना संक्रमितको संख्या ७ लाख ५० हजार २२ पुगेको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा १४ हजार २ सय ४२ जनाको नमुना परीक्षण गर्दा ३ हजार ३ सय ६५ जनामा कोरोनाभाइरस संक्रमण पुष्टि भएको हो । 

हाल सम्म ६ लाख ९० हजार ६ सय ४२ जनाको पीसीआर विधिबाट र ५९ हजार ३ सय ८० जना एन्टिजेन विधिबाट परीक्षण गरिएको छ । यस्तै हालसम्म देशभर संक्रमितमध्ये ६ लाख ५० हजार ४ सय ४५ जना निको भएका छन् भने ९ हजार ८ सय ७ जनाले ज्यान गुमाएका छन ।