सेती नदीमा हाम फालेर बझाङमा एक जना बेपत्ता

बझाङ: सेती नदीमा हाम फालेर बझाङका एकजना बेपत्ता भएका छन् । आइतबार बिहान  करिब ७ बजे  जयपृथ्वी नगरपालिका  ११ काप्रिकोटका ६० वर्षीय स्थानीय धर्मराज जोशी हाम फालेर बेपत्ता भएको जिल्ला प्रहरी कार्यालय बझाङले जनाएको छ । स्थानीयले कपडेको झोलुङ्गे पुलनेरबाट सेती नदीमा हाम फालेर बेपत्ता भएको खबर गरेपछि प्रहरीले खोजी सुरु गरेको छ । जिल्ला प्रहरी कार्यालय बझाङका प्रमुख  रूपक खड्काका अनुसार हामफाल्नुको कारण भने अझैसम्म खुल्न सकेको छैन । जोशीलाई अझैसम्म फेला पार्न नसकेको प्रहरीले जनाएको छ ।