बझाङमा आत्माहत्याका घटना बर्षेनि बढदै

बझाङ – बझाङमा आत्माहत्याका घटना बर्षेनि बढिरहेका छन । आत्माहत्या गर्नेमा बढी जसो महिला रहेका छन । जिल्ला प्रहरी कार्यालयको तथ्याङ्कअनुसार आर्थिक वर्ष २०७५/०७६ मा १२ जनाले‚ आर्थिक वर्ष २०७६/०७७ मा २४ जनाले र आर्थिक वर्ष २०७७/०७८ मा ३३ जनाले आत्मा हत्या गरेका छन ।     

आफूमाथि हुने घरायसी, आर्थिक तथा मानसिक हिंसाका कारण महिलाहरूले आत्महत्या गर्ने गरेको महिला आवास गृहकी प्रमुख गीता शाही काे भनाई छ । महिलाहरूले आफु माथि हुने घरेलु हिंसा हन नसक्ने र कानुनी उपचारकाे बाटोमा नलाग्ने भएका कारण आत्महत्याको बाटो रोज्न बाध्य हुने गरेको उनको भनाई छ । 

महिलाले आत्महत्या गर्नुको कारण आफुमाथी हुने अन्यायलाई  प्रतिरोध गर्न नसक्नु रहेको जिल्ला प्रहरी कार्यालय बझाङका प्रमुख  प्रहरी नायब उपरीक्षक रूपक खड्काकाे भनाई छ । आफूमाथि भएको हिंसा तथा पीडालाई आफन्त, छिमेकी वा माइतीमा सुनाउदा समेत भएको घरबार बिगार्नु हुँदैन, मिलेर बस्नुपर्छ जस्ता सुझाव दिने गरेको र दैनिक हिंसा सहन नसकि आत्महत्याको बाटो रोज्ने गरेको उनकाे भनाइ छ ।