कोरोना अपडेट: नेपालमा थप २  हजार ९ सय ७७ जनामा कोरोना सङ्क्रमण पुष्टि

काठमाण्डाै – पछिल्लो २४ घण्टामा नेपालमा २  हजार ९ सय ७७ जनामा कोरोना सङ्क्रमण पुष्टि भएको छ । यो सँगै नेपालमा कोरोना संक्रमितको संख्या ६ लाख ७५ हजार ८ सय ४८ पुगेको छ । देशभर १३ हजार ६ सय ९८ जनामा गरिएको पीसीआर र एन्टिजेन परीक्षण गर्दा २ हजार ९ सय ७७ जनामा कोरोना सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ । विहिबार मात्र नेपालमा १ हजार ९ सय १८ जनामा कोरोना संक्रमण देखिएको थियो ।

स्वास्थ्य तथा जनसङ्ख्या मन्त्रालयका अनुसार  पछिल्लाे २४ घण्टामा पिसीआर परीक्षण गर्दा १ हजार ९ सय ८२ जना र तीन हजार ६ सय १० जनाको एन्टिजेन परीक्षण गर्दा ९ सय ९५ जनामा संक्रमण देखिएको हो । अहिले नेपालमा २७ हजार ६ सय ६१ जना सक्रिय सङ्क्रमित छन् । सक्रिय सङ्क्रमितमध्ये ६ सय ८२ जनाको आईसीयू र एक सय ७५ जनाको भेन्टिलेटरमा उपचार भइरहेको स्वास्थ्य मन्त्रालयले जनाएकाे छ ।