सुदूरपश्चिममा बुधबार ७१ जनामा कारोना संक्रमण पुष्टि: पछिल्लो २४ घण्टामा देशभर १ हजार ९१८ जनामा कोरोना पुष्टि

काठमाडौँ — पछिल्लो २४ घण्टामा नेपालमा १ हजार ९ सय १८ जनामा कोरोना संक्रमण देखिएको छ । स्वास्थ्य मन्त्रालयका अनुसार देशभरका विभिन्न प्रयोगशालामा गरिएको परिक्षणमा बुधबार थप १ हजार ९१८ जनामा संक्रमण पुष्टि भएको हो ।   यो सँगै नेपालमा कोरोना संक्रमितको संख्या ६ लाख ७२ हजार ८७१ पुगेको छ । हालसम्म ६ लाख ३६ हजार ४ सय २ जना कोरोना संक्रमित निको भईसकेका छन भने ९ हजार ६ सय ३७ जनाको मृत्पु भएको छ ।

यस्तै सुदूरपश्चिम प्रदेशमा बुधबार ७१ जनामा कारोना संक्रमण पुष्टि भएको छ। सेती प्रादेशिक अस्पतालमा १२२ जनाको नमूना परीक्षण गर्दा ४३ जना र महाकाली असपतालमा २८ जनाको नमूना परीक्षण गर्दा ११ जनामा कोरोना संक्रमण पुष्टि भएको छ।सुदुरपश्चिम प्रदेशमा हाल सम्म ४४ हजार ७ सय २ जनामा संक्रमण पुष्टि भएको छ।  प्रदेशभर  ३५ हजार ४ सय १६ जनाले कोरोना जितेका छन भने ५ सय ७६ जनाको ज्यान गुमाएका छन ।