नेभिगेशन
सुदूरपश्चिम

जोखिममा बिजगडा बजार, कालंगाले बसपार्कसहित पानी घट्ट र बंगुर फर्म बगायो

बझाङ : लगातारको वर्षाका कारण कालंगा नदीमा पानीको बहाव बढेको छ ।   शनिबार नदीको बहाब बढेपछि बुङ्गल नगरपालिका -४ बिजगडास्थित कालंगा नदीको किनारमा रहेको बसपार्कसहित एक पानी घट्ट र एक बंगुर फर्म बगेको छ। 

लगातरको अविरल वर्षाले कालंगा नदीमा  पानीको बहाव बढेपछि बुंगल नगरपालिकाको बिजगडा बजार, बिजगडा पुल र बिराबगडमा रहेको पक्की भवन उच्च जोखिममा रहेका छन् ।  कलंगा नदीमा पानीको बहाव बढेपछि इलाका प्रहरी कार्यालय बुङ्गलले बाढी खतराको संकेत नजिक पुगेकाले सावधानी अपनाउन आग्रह गरेको छ । नदी किनारामा कटान सुरु गरेपछि बिजगडा बजारमा जोखिम बढ्न सक्ने भएपछि बिजगडा बजारका स्थानीय व्यापारी त्रसित बनेका छन् । 

केही व्यापारी पसलमा रहेको सामान अन्त सार्न तर्फ लागेका छन् । नदीमा बाढी आएकाले बिजगडा बजार मात्रै नभएर बुंगल नगरपालिकाका ५१ स्थान जोखिममा रहेको जिल्ला विपद् व्यवस्थापन समितिका संयोजक एवम् प्रमुख जिल्ला अधिकारी मोहनराज अधिकारीले बताए । केही दिन अगाडी कालंगाले बुंगल नगरपालिका १ र २ वडा जोड्ने सडक बगाउँदा यातायात ठप्प छ ।

उनका अनुसार जिल्लाका जयपृथ्वी नगरपालिका, छबिसपाथिभेरा गाउँपालिका, थलारा गाउँपालिका, दुर्गाथली गाउँपालिका र केदारस्युँ गाउँपालिकाका नदी किनाराका बस्तीलाई सतर्क रहन अनुरोध गरिएको छ । यस समयमा दाउरा काठ उतार्ने, माछा मार्ने जस्ता कार्य पनि नगर्न प्रशासनले आग्रह गरेको छ ।

प्रकाशित मिति:
प्रतिक्रिया दिनुहोस्
थप सुदूरपश्चिम
चैनपुरमा खानेपानी अनियमित हुँदा सदरमुकाम छोड्नुपर्ने बाध्यता, धेरैजसो होटेल बन्द 

चैनपुरमा खानेपानी अनियमित हुँदा सदरमुकाम छोड्नुपर्ने बाध्यता, धेरैजसो होटेल बन्द 

बझाङ सदरमुकाम र आसपास वस्तीमा खानेपानी र विद्युत अनियमित हुँदा सेवाग्राहीलाई सास्ती भएको छ ।
बझाङमा जब घरभित्र निदाइरहेका एक युवा पहिरोसँगै सेती नदीमा  झरे 

बझाङमा जब घरभित्र निदाइरहेका एक युवा पहिरोसँगै सेती नदीमा झरे 

बझाङको छबिसपाथिभेरा- १ परिङ्गालका एक युवा निदाइरहेको अवस्थामा घर मुनीबाट पहिरो खस्दा घरसहित सेती नदीमा खसेका छन् ।
जयपृथ्वी एफ.एम. बझाङ चौथौं वर्षमा प्रवेश

जयपृथ्वी एफ.एम. बझाङ चौथौं वर्षमा प्रवेश

राष्ट्रिय विभुति तथा मानवतावादी राजा जयपृथ्वीबहादुर सिंहको मानवताबादी सिद्धान्त बोकी २०७८ साल भदौ ७ गतेबाट बझाङ र आसपासका जिल्लामा सुनिने गरि प्रसारणमा आएको जयपृथ्वी एफ.एम. बझाङ आज भदौ...