बझाङमा सक्रिय संक्रमितको संख्या ६ सय ४७ जना पुग्यो, ९ जनाले ज्यान गुमाए

बझाङ : बझाङमा कोरोना महामारीले भयावह रुप लिन थालेको छ । जिल्लामा कोरोना संक्रमणदर मृत्युदर दिनदिनै बढ्दै गए पनि स्वास्थ्य मापदण्ड भने फितलो भएको चिकित्सकहरु बताउँछन् । 

बुधबार बझाङमा सबैभन्दा बढी ८५ जनामा कारोना पुष्टि भएको छ जसमा पिसिआर विधिबाट ७७ जना र एन्टिजेनबाट ८ जना गरी ८५ जनामा कारोना पुष्टी भएको जिल्ला अस्पताल बझाङ्गले जनाएको छ ।  

योसँगै जिल्लामा संक्रमितको संख्या ६ सय ९४ जना पुगेका छन् जसमा जिल्लाभर ६ सय ४७ जना सक्रिय संक्रमित रहेको जिल्ला अस्पताल  बझाङ्गले जनाएको छ । 

बुधबार कोरोनालाई जितेर १ जना मात्रै घर फर्किएका छन् । दोस्रो लहर सुरु भएयता जिल्लाभर ३८ जना कोरोना जितेर घर फर्किएका छन् भने होम आइसोलेसनमा ५ सय ८७ जना रहेका छन् । यस्तै दोस्रो लहर सुरु भएयता मात्रै बझाङमा मृत्यु हुनेको संख्या ९ पुगेको छ ।  

कारोना महामारीले जिल्लामा भयावह रुप लिएको भन्दै स्वास्थ्य कार्यालयका प्रमुख भानुभक्त जोशीले नआत्तिएर  सरक्षाका मापदण्डको पालना गर्नुपर्ने ,  पोषिला झोलिला खानेकुरा खानुपर्ने , तातोपानी, अदुवा हल्दी पानी खानुपर्ने र व्यायाममा बढी ध्यान अनुरोध गर्नुभयो ।