बझाङमा थप एक जना कोरोना संक्रमितको मृत्यु 

बझाङ : बझाङमा थप एक जना कोरोना भाइरस संक्रमितको मृत्यु भएको छ । मृत्यु हुनेमा बुङ्गल नगरपालिका- ३ का एक ५५ वर्षीय पुरुष रहेका छन् । उनको स्वास्थ्यमा समस्या भएपछि बुङगलबाट थप उपचारको लागि जिल्ला अस्पताल रेफर गरेको र अस्पतालमा उपचारकै क्रममा केही घण्टामै पुरुषको मृत्यु भएको जिल्ला अस्पतालका कोरोना सम्पर्क व्यक्ति डाक्टर मिलन खड्काले बताउनुभयो । 

उनको आज बिहान मात्र एन्टिजेन्ट विधिबाट कोरोना पुष्टि भएको जनाएको छ । संक्रमित पुरुष छारे रोगकोसमेत बिरामी रहेको खुल्न आएको स्वास्थ्य अस्पतालले बताएको छ ।  योसँगै कोरोनाका कारण मृत्यु हुनेको संख्या ८ पुगेको छ । भने जिल्लामा कोरोना संक्रमितको संख्या ५ सय ६१ पुगेको छ ।