मुख्यमन्त्री केजरीवालको घोषणा– दिल्लीमा सबैलाई दुई महिना निःशुल्क खाद्यान्न

भारत–दिल्लीमा कोरोना भाइरसको महासंकटकाबीच मुख्यमन्त्री अरविन्द केजरीवालले दुई महिना निःशुल्क खाद्यान्न वितरण गर्ने घोषणा गरेका छन्। 

मंगलबार पत्रकार सम्मेलन आयोजना गर्दै मुख्यमन्त्री केजरीवालले दिल्लीमा राशनकार्ड भएका सबैलाई दुई महिना निःशुल्क राशनको व्यवस्था गर्ने घोषणा गरेका हुन्।

दिल्लीका ७२ लाखसँग राशनकार्ड रहेको भारतीय सञ्चारमाध्यमहरुले जनाएका छन्। 

दिल्लीमा लकडाउन जारी रहँदा केजरीवालले यस्तो घोषणा गरेका हुन्।  उनले रिक्सा चालक, ट्याक्सी चालकलाई पाँच-पाँच हजार रुपैयाँको आर्थिक सहयोग गर्नेसमेत घोषणा गरे। यसबाट करिब डेढ लाख अटो रिक्सा चालकले लाभ लिन पाउने समाचाररुमा जनाइएको छ। 

यसअघि मजदुरको खातमा समेत ५ हजारका दरले सहायता रकम दिइएको थियो। उनले कोरोना संक्रमित मजदूरलाई १० हजार रुपैयाँ दिने घोषणा गरे। 

निशुल्क राशनको व्यवस्थाको मतलब अब दुई महिना लकडाउन हुन्छ भन्ने अर्थको रुपमा नबुझ्न उनले आग्रह गरे।