मानसिक स्वास्थ्य मोडुल दुई अन्तरगत ६ दिने तालिम झोतामा सुरु

मानसिक स्वास्थ्य मोडुल दुई अन्र्तगतको ६ दिने तालिम आजबाट केदारस्यूँ गाउँपालिकाको झोतामा सुरु भएको छ । युएमएनको आर्थिक सहयोग तथा दलित सहयोग समाजको आयोजनामा जिल्लाको थलारा गाउँपालिका र बुंगल नगरपालिकामा रहेका १० वटा स्वास्थ्य चौकीका इन्चार्ज र अन्य स्वास्थ्यकर्मीहरुका लागी उक्त तालिम संञ्चालन भएको दलित सहयोग समाज अन्र्तगतको मानसिक स्वास्थ्य परियोजनाका कार्यक्रम संयोजक विष्ना बमले जनाकारी दिनुभयो । 
मानसिक स्वास्थ्य समस्या पहिचान गर्ने, मानसिक स्वास्थय समस्या भएका व्यक्तिको पहिचान गर्ने, मानसिक स्वास्थ्य समस्या रहेको १३ प्रतिशत भारलाई कम गर्ने, स्थानीय स्वास्थ्य संस्थामा उपचार हुन नसकेका व्यक्तिहरुलाई थप उपचारका लागी रिफर गर्ने उदेश्यले तालिमको आयोजना गरिएको हो । दलित सहयोग समाजका अधयक्ष मोहनलाल विकको अध्यक्षतामा संञ्चालन भएको उक्त कार्यक्रममा मनोचिकित्सक दमौली अस्पताल तनहुँका कार्यरत डा. गीता सुवेदी, रिचा सिन्हले प्रशिक्षण दिइराख्नु भएको छ । 
आजबाट सुरु भएको उक्त तालिम यही असार १६ गतेसम्म संञ्चालन हुने र सहभागीहरुलाई मानसिक स्वास्थ्य सम्बन्धि प्रशिक्षण दिइने परियोजना संयोजक बमले जानकारी दिनुभयो ।