बाजुरामा एक किशोरीमाथि पेट्रोल छर्केर आगो लगाइयो, दुई जना पक्राउ

बाजुरा  : बाजुरामा एक किशोरीमाथि पेट्रोल छर्केर आगो लगाइएको छ।  जिल्लाको त्रिवेणी नगरपालिका–९ झलाल गाउँमा बिहे हेर्ने गएका बेला त्रिवेणी नगरपालिका–८ पन्तालीकी १४ वर्षीया सभ्यता बुढाको शरीरमा पेट्रोल छर्केर आगो लगाइएको जिल्ला प्रहरी कार्यालय बाजुराले जनाएको छ। आगोले जलेर बालिका घाइते भएकी छन्। पेट्रोल जलाउन खोजेको आरोपमा त्रिवेणीकै सुमन गिरी र सेखर थापालाई नियन्त्रणमा लिएर अनुसन्धान थालिएको बाजुराका प्रहरी नायव उपरीक्षक मदनजीत महराले बताएका छन् । 

नियन्त्रमा लिएका उनीहरुले मादक पदार्थ सेवन गरेकाले अरुलाई आक्रमण गर्न खोज्दा सभ्यताको शरिरमा परेको बयान दिएको उपरिक्षक महराले बताए । आरोपित दुई जना बाजुरा-अछामको सिमानाकाबाट पक्राउ परेका हुन् । 

यता घाइते बालिकालाई जिल्ला सदरमुकाम मार्तडी ल्याइएको र बालिकाको अवस्था सामान्य रहेको प्रहरीले जनाएको छ।