पोषणमा टेवा पुर्याउने उदेश्यले सर्बोत्तम पिठो उत्पादन सुरु 

जिल्लाको मष्टा गाउँपालिकाले स्थानीय उत्पादनलाई बजारमा पु¥याउने, पोषणको क्षेत्रमा टेवा पुर्याउने उदेश्यले रैथाने बालीको संकलन गर्ने कार्यको थालनी गरेको छ । मष्टा गाउँपालिकामा उपलब्ध जौ, भटमास, फापर लगाएतका पाँच प्रकारका अन्नहरुको संरक्षण र त्यसको प्रर्वद्धनका लागी मष्टा गाउँपालिकामा नै सर्बोत्तम पिठो उत्पादन कार्यको थालनी गरेको छ । 
स्थानीय स्तरमा रहेको रैथाने बालीबाट उत्दपादन हुने पिठो र त्यसको पोषण क्षमतालाई ध्यानमा राखी बालबालिकाहरुलाई खुवाउनका लागी र स्थानीयस्तरमा नै उद्यमीहरुलाई स्वरोजगार बनाउने उदेश्यले उक्त कार्यक्रमको सुरुवात गरिएको मष्टा गाउँपालिका अध्यक्ष ज्ञानबहादुर बोहराले बताउनुभयो । अहिले तत्कालका लागी मष्टा गाउँपालिका ४ मा संकलन केन्द्र स्थापना गरी पिठो उत्पादन गर्ने र वितरण गर्ने व्यवस्था मिलाइएको भएपनि आगमी दिनमा यसलाई विस्तृतीकरण गर्नका लागी पालिकाले आवश्यक काम गर्ने अध्यक्ष बोहराले जानकारी दिनुभयो । 
स्थानीय स्तरमा उपलब्ध रैथानेबालीबाट उत्पादन भएको सर्वोत्तम पिठोलाई बालबालिका साथै हजार दिनका आमाहरुलाई वितरण गर्ने, जिल्लाका अन्य पालिकाहरुमा पिठोलाई पुर्याएर बजारीकरण गर्ने उदेश्यले यो कार्यक्रमलाई अघडी बढाइएको अध्यक्ष बोहराले बताउनुभयो । यो कार्यक्रमबाट स्थानीय स्तरमा उपलब्ध रैथाने बालीको संरक्षण, नवप्रवर्तनमा आधारित रैथाने बालीबाट पोषणमा टेवा पुर्याउने र स्थानीयहरुलाई उद्यम्सँग जोड्ने गाउँपालिकाले लक्ष्य लिएको छ । 
अहिले मष्टा गाउँपालिका ४ मा मष्टा कृर्षि उद्योगबाट सर्वोत्तम पिठो उत्पादन भइरहेको छ, भने त्यसको ब्रान्डिङ, प्याकेजिङ र वितरण गर्ने काम समेत भइरहेको छ ।