वाई वाई यू–१९ : सुदूरपश्चिम छनोटका लागि बझाङको टोली घोषणा

वाई वाई यू–१९ राष्ट्रिय क्रिकेट प्रतियोगिताको सुदूरपश्चिम छनोटका लागि बझाङको टोली घोषणा गरिएको छ । अशोक धामीको कप्तानीमा १४ सदस्यीय टोली घोषणा गरिएको हो ।

बझाङ जिल्ला क्रिकेट संघका अध्यक्ष प्रविन्द्र धामीका अनुसार टोलीमा सन्जय बोहरा, इसान दौल्याल, पुष्कर चन्द, मनोज खड्का, रोशन टमटा, अविशेक मल्ल, पारस रोकाया, पारस शाही, भरत चन्द, प्रेम बामकि बोहरा, सुशिल रावल, हिमाल दौल्याल र रोशन कुमार खाती रहेका छन् ।

हरिश दौल्याल, सुशिल मण्डल र अर्जुन सिंह वैकल्पिक खेलाडीका रूपमा छनोट भएका छन् । वाई वाई यू–१९ सुदूरपश्चिम छनोट यही जेठ १६ गतेदेिख डडेल्धुरामा हुँदै छ । प्रदेशस्तरीय छनोटमा उत्कृष्ट प्रदर्शन गरेका खेलाडीबाट राष्ट्रिय प्रतियोगिता खेल्ने टोली घोषणा गरिनेछ । वाई वाई यू–१९ वान डे अर्थात ४० ओभरको खेलाइने जनाइएको छ ।