खोलामा बगेर दार्चुलामा दुई जना बेपत्ता, खाेजी कार्य जारी

खोलामा बगेर दार्चुला जिल्लाकाे मार्मा गाउँपालिकाका दुइ जना बेपत्ता भएका छन् । आइतबार साँझ  मुरै स्थित गन्याड खोला तर्ने क्रममा २५ वर्षीया झुपा टमटा र ६ वर्षीय ऐन बिक बेपत्ता भएको मार्मा गाउँपालिका-५ का वडाअध्यक्ष सुरेन्द्र महताले बताए । उनीहरु दुवैकाे नाता काकी भतिजा भएकाे खुल्न आएकाे छ ।     

भिरालाे ठाउँमा माथिबाट ढुंगामाटाे सहित आएकाे खाेलाकाे भेलले उनीहरुलाइ बगाएकाे जानकारी प्राप्त भएकाे छ । साे क्षेत्रमा एक्कासी भारी वर्षा भएकाे त्यहाका स्थानीयले बताएका छन् । खाेला आसपास नयाँ सडक निर्माण भएकाे हुँदा ढुंगामाटाे खाेलामा बगेकाे हाे ।   

 उनीहरु बेपत्ता भएको खबर प्राप्त भएपछि इलाका प्रहरी कार्यालय लटिनाथबाट प्रहरी टोली घट्ना स्थलमा खटिगएकाे प्रहरीले जनाएकाे छ । अहिले प्रहरी र स्थानीयले उनीहरुकाे खाेजी गरिरहेकाे छ । बेपत्ता काकी भतिजाकाे अवस्था अझै अज्ञात छ ।