महिनाको अन्तिम शनिबार बजार बन्द गर्ने बझाङ उद्योग वाणिज्य संघको निर्णय 

बझाङ : बझाङ उद्योग वाणिज्य संघले महिनाको अन्तिम शनिबार बजार बन्द गर्ने निर्णय गरेको छ । केहिदिन अघि बझाङ उद्योग वाणिज्य संघका पदाधिकारी र चैनपुर बजार लगाएत आसपासका व्यापारीहरुबिच भएको छलफलबाट महिनाको अन्तिम शनिबार बजार बन्द गर्ने निर्णय गरिएको बझाङ उद्योग वाणिज्य संघका अध्यक्ष दान बहादुर सुर्मेलीले बताउनुभयो । 

सधैं व्यवसाय गर्दा थाकेका व्यापारीहरुलाई विश्राम हुने र कुनै पसलहरुमा श्रमिकहरु पनि राखिएका कारण उनिहरुलाई पनि सहज होस् भन्ने उद्येश्यले महिनाको एकदिन बजार बन्द गर्ने निणर्य गरिएको अध्यक्ष सुर्मेलीले बताउनुभयो । उहाँले एकदिन बजार बन्द गर्दा व्यापारीलाई खासै घाटा पनि नहुने बताउनुभयो ।

आज पहिलो शनिबार सदरमुकाम चैनपुर बजार लगाएत आसपासका बजारहरु बन्द गरिएका छन् । पहिलो दिन भएकाले पनि उक्त निर्णय पुर्ण रुपमा कार्यान्वयन नभएको बझाङ उद्योग वाणिज्य संघले जनाएको छ । आगामि दिनहरुमा भने नियमको पालना नगर्ने व्यापारीलाई कारबाहि गरिने बताइएको छ ।