जोशीको हत्या भएको भन्दै परिवारले दिए प्रहरीमा जाहेरी

बझाङको जयपृथ्वी नगरपालिका वडा नम्बर ७ का ४० वर्षीय रामप्रसाद जोशीको हत्या भएको भन्दै परिवारले प्रहरीमा जाहेरी दिएका छन् ।

जोशीको आइतबार बिहान ११ बजेतिर छिमेकी जयबहादुर हमालसँग घरायसी विषयमा विवाद भएको थियो । विवादका क्रममा धक्कामुक्कासमेत भएको बुझिएको प्रहरी निरीक्षक व्यापक शाहले बताए ।

राति एक बजेतिर गाह्रो भयो भनेर भनेका रहेछन् । अस्पताल ल्याउँदा उनको मृत्यु भएको हो,’ शाहले भने । परिवारले भने हमालले कुटपिट गर्दा जोशीको मृत्यु भएको भनेर किटानी जाहेरी दिएकोले हमाल र उनका छोरालाई पक्राउ गरी आवश्यक अनुसन्धान भइरहेको उनले बताए ।