स्वर्गीय स्वास्थ्यकर्मी मल्लको परिवारलाई आर्थीक सहयोग हस्तान्तरण 

स्वर्गीय स्वास्थ्यकर्मी महेन्द्र बहादुर मल्लको परिवारलाई आर्थीक सहयोग गरिएको छ । स्वास्थ्य कार्यालय बझाङको पहलमा जिल्लाका स्वास्थ्य संस्था र स्वास्थ्यकर्मीहरुबाट संकलित आर्थीक सहयोग रकम आज परिवारलाई हस्तान्तरण गरिएको हो ।

जिल्लाका सबै स्थानीय तहमा कार्यरत स्वास्थ्यकर्मी, स्वास्थ्य निर्देशनालय, डोटीमा कार्यरत तथ्याङ्क अधिकृत धर्मानन्द गिरी र रेशु कुशमिया लगायत स्वास्थ्य कार्यालय बझाङमा कार्यरत कर्मचारीहरू र  जिल्ला अस्पतालमा कार्यरत स्वास्थ्यकर्मी तथा कर्मचारीहरूले सहयोग गरेपछि आज संकलित भएको  ५९ हजार ३ सय रुपैयाँ स्वास्थ्य कार्यालय प्रमुख लाल बहादुर धामी मार्फत मल्लको परीवारलाई हस्तान्तरण गरिएको स्वास्थ्य कार्यालय बझाङका सिनियर खोप अधिकृत भानुभक्त जोशीले जानकारी दिनुभयो ।

केदारस्यूँ गाउँपालिकाका–९ स्थित भैरवनाथ स्वास्थ्य चौकीमा विगत २० वर्षदेखि इन्चार्जको जिम्मेवारी सम्हालिरहेका स्वास्थ्यकर्मी महेन्द्र बहादुर मल्ल गएको पुस १८ गते सेती नदीको किनारमा मृत फेला परेका थिए ।