खप्तडछान्नामा सामाजिक कुरीति न्यूनिकरण सम्बन्धि अभिमुखिकरण कार्यक्रम सम्पन्न

खप्तडछान्ना गाउँपालिकामा सामाजिक कुरीति न्यूनिकरण सम्बन्धि एकदिने अभिमुखिकरण कार्यक्रम सम्पन्न भएको छ । जिल्ला प्रशासन कार्यालय बझाङको आयोजना र खप्तडछान्ना गाउँपालिकाको समन्वयमा सामाजिक कुरीति न्यूनिकरण सम्बन्धि एकदिने जनचेतनामूलक कार्यक्रम आज सम्पन्न भएको हो ।

उक्त कार्यक्रममा विभिन्न किसिमका समाजमा रहेका विधमान् सामाजिक कुरीती र विसङ्गगतिलाई प्रस्ट पारीएको खप्तडछान्ना गाउँपालिका वडा नम्बर ३ अध्यक्ष गौरी अधिकारी रावलले जानकारी दिनुभयो । छाउपडि प्रथा, बाल बिवाह, बहुविवाह, लैगिंक विभेद लगाएतका सामाजिक कुरीतीका विषयमा प्रशिक्षण गरिएको अध्यक्ष रावलले बताउनुभयो ।

कार्यक्रममा सहभागिहरुले बाहिर समाज परिवर्तन भएको देखिएपनि कतिपय कुरीतिहरु निकै जरा गाडेर रहिरहेको बताएका छन् । राष्ट्रमा संविधान र्कायान्वन भएको खण्डमा दलित र महिलाको सस्या समाधन हुने सहभागिहरुको भनाई छ । त्यसैगरि अहिलेसम्म पनि महिला र दलितहरुलाई दोस्रो दर्जाको मानिस सोच्ने गरेको अभिव्यत्ति उनिहरुले दिएका थिए ।

कार्यक्रमका बोल्दै प्रशिक्षक एवं सहायक प्रमुख जिल्ला अधिकारी सत्य कुमारी जोशीले सबै भन्दा पहिला समाजका अगुवा भनिएका व्यत्तिहरुको सङ्गकोचित विचारलाई परिवर्तन गर्नु आवश्यक रहेको बताउनुभयो । कुरीतीलाई अन्त्य गर्नको लागी एउटा अवाज मात्रै सम्भव नरहेको बताउदै जोशीले महिलाले आफ्नो हक अधिकार चाहान्छन भने सर्वप्रथम आफ्नो मन र दिमाखमा रहेको अन्धविश्वासलाई निकालि अघि बढ्न आवश्यक रहेकोको बताउनुभयो । कार्यक्रममा पालिका भित्रका करीब दुई सय जना स्थानिय महिलाहरुको सहभागिता रहेको थियो ।