बझाङमा ट्याक्टर दुर्घटना हुँदा चालक घाइते 

बझाङ : बझाङमा ट्याक्टर दुर्घटना भएको छ । जिल्लाको बुंगल नगरपालिका ३ सिराड स्थित काडाँचौर बाट बिजगडा तर्फ जाँदै गरेको अनटेस्ट ट्याक्टर दुर्घटना भएको जिल्ला प्रहरी कार्यालय बझाङले जनाएको छ ।

आज दिउँसो १५;३५ बजेको समयमा केदारस्यु गा.पा.७ काँडाचौर बस्ने २५ बर्षिय मिन बहादुर धामीले चलाएको ट्याक्टर एक्कासी सडकबाट ५० मिटर तल खसेको हो । दुर्घटनामा परेर चालक धामि घाइते भएका छन् । उनको कम्मर मुनि र दाहिने हातमा चोट लागेको र अबस्था मध्यम रहेको बताइएको छ ।

अहिले घाइते चालकको स्थानिय स्वास्थ्य चौकीमा उपचार भईरहेको छ । ट्याक्टर दुर्घटना भएको जानकारी प्राप्त हुनासाथ प्रहरी सहायक निरिक्षक लाल सिंह रावलको कमाण्डमा प्रहरी टोलि घटनास्थल पुगेको थियो । अहिले घटनाबारे थप अनुसन्धान भइरहेकोे जिल्ला प्रहरी कार्यालय बझाङका सुचना अधिकारी एवं प्रहरी निरीक्षक दिपेश चौधरीले बताउनुभयो ।