नेभिगेशन
सुदूरपश्चिम

खप्तडछान्नामा पसलबगर - खत्रीबाडा सडकको गाउँपालिका अध्यक्ष रोकायाद्धारा उद्धघाटन 

बझाङ : बझाङको खप्तडछान्ना गाउँपालिकामा पसलबगर - खत्रीबाडा सडकखण्डको उद्धघाटन गरिएको छ । खप्तडछान्ना सडक सुधार योजना अन्तर्गत उक्त सडकको आज गाउँपालिका अध्यक्ष उत्तम बहादुर रोकायाले एक कार्यक्रमका बिच विधीवत रुपमा रिबन काटेर शुभारम्भ गर्नुभएको हो ।

खप्तडछान्ना गाउँपालिकाको कार्यालयबाट वडा नम्बर २, ३ र ४ हुँदै खप्तड राष्ट्रिय निकुञ्ज जोड्ने पसलबगर - खत्रीवाडा सडकखण्डको लम्बाई १७ सय ६० मिटर रहेको छ । शुभकामना कन्स्ट्रक्सन प्रालिले ५८ लाखमा सडक निमार्णको जिम्मा पाएको छ । २०८१ साल जेठ मसान्तसम्म निमार्ण कार्य सम्पन्न गर्ने लक्ष्य सहित गाउँपालिकाले शुभकामना कन्स्ट्रक्सनसँग सम्झौता गरेको गाउँपालिकाका सुचना अधिकारी ऐन बहादुर रोकायाले बताउनुभयो ।

अहिले बाढी र पहिरोले क्षती ग्रस्त भएका गाउँपालिकाका पाँच वटा सडकको स्तरोन्नती कार्य सुरु भएको छ । २०७८ सालमा आएको बाढीले क्षेद बिच्छेद भएको गाउँपालिकाको मुख्य सडक रहेको सेती लोकमार्गको स्तरोन्नती गर्न काम भई रहेको छ भने पालिका भित्रका अन्य चार वटा सडकको स्तरोन्नतीका लागी बोलपत्र आह्वान पछि काम सुरु भएको छ । गाउँपालिकाको पसलबगर पुरानी सडक र घाटखोला माझीगाउँ सडकको झण्डै डेढ करोड बरावरको ठेक्का सम्झौता भई निर्माणको चरणमा रहेको छ । त्यस्तै पाटादेवल गडराय सडकको बोलपत्र मार्फत निर्माण गर्ने गरि काम अघि बढेको गाउँपालिका अध्यक्ष उत्तम बहादुर रोकायाले बताउनुभयो ।

उहाँले कुचेखोला देहली हुँदै मायापाटा सडक समेत पुर्वाधार बिकास कार्यालय मार्फत संचालनको चरणमा रहेको, कालुखेती मतुवा सड्क , कालिपछाई बयाना सडक, भालुबेल्या पाटादेबल सडक र गडराय गोर्खाली सडकको समान्य सुधार भई बृहत सुधारका लागी कार्ययोजना बनाई रहेको समेत बताउनुभयो । उहाँले यि सडक आयोजनाले पालिकाको बिकासमा समेत महत्वपूर्ण योगदान दिने बताउनुभयो । 

प्रकाशित मिति:
प्रतिक्रिया दिनुहोस्
विगत तीन वर्षदेखि रेडियो पत्रकारितामा कार्यरत कल्पना जयपृथ्वी एफएम नेटवर्कका सम्वाददाता हुन् ।
थप सुदूरपश्चिम
चैनपुरमा खानेपानी अनियमित हुँदा सदरमुकाम छोड्नुपर्ने बाध्यता, धेरैजसो होटेल बन्द 

चैनपुरमा खानेपानी अनियमित हुँदा सदरमुकाम छोड्नुपर्ने बाध्यता, धेरैजसो होटेल बन्द 

बझाङ सदरमुकाम र आसपास वस्तीमा खानेपानी र विद्युत अनियमित हुँदा सेवाग्राहीलाई सास्ती भएको छ ।
बझाङमा जब घरभित्र निदाइरहेका एक युवा पहिरोसँगै सेती नदीमा  झरे 

बझाङमा जब घरभित्र निदाइरहेका एक युवा पहिरोसँगै सेती नदीमा झरे 

बझाङको छबिसपाथिभेरा- १ परिङ्गालका एक युवा निदाइरहेको अवस्थामा घर मुनीबाट पहिरो खस्दा घरसहित सेती नदीमा खसेका छन् ।
जयपृथ्वी एफ.एम. बझाङ चौथौं वर्षमा प्रवेश

जयपृथ्वी एफ.एम. बझाङ चौथौं वर्षमा प्रवेश

राष्ट्रिय विभुति तथा मानवतावादी राजा जयपृथ्वीबहादुर सिंहको मानवताबादी सिद्धान्त बोकी २०७८ साल भदौ ७ गतेबाट बझाङ र आसपासका जिल्लामा सुनिने गरि प्रसारणमा आएको जयपृथ्वी एफ.एम. बझाङ आज भदौ...