मष्टा गाउँपालिकामा स्थानीयसँगै गाउँपालिकाका जनप्रतिनिधी जनश्रमदानमा जुटे
बझाङको मष्टा गाउँपालिका–६ले गाउँपालिका भित्रका विकासका योजनाहरु निर्माणको लागि भन्दै महिनाको दुई दिन जनश्रमदान गर्नु पर्ने नियम बनाएको छ ।
सोहि अनुरुप मंगलबारदेखि बझाङको मष्टा गाउँपालिकाका जनप्रतिनिधिहरु स्थानीयसँगै जनश्रमदानमा जुटेका छन् । गाउँपालिकाले मंगलबार देखि वडा नं. ६ स्थित निर्माणधिन खेलमैदान निर्माण कार्यमा स्थानीयसँगै गाउँपालिकाका अध्यक्ष ज्ञान बहादुर बोहरा, मष्टा गाउँपालिका–६ का वडाअध्यक्ष शिवराज बोहरा लगायत स्थानीयहरु जनश्रमदानमा जुटेका हुन् ।
पछिल्लो समय गाउँपालिकाबाट निर्माण हुने योजनाहरुमा १० प्रतिशत अनिवार्य जनसहभागीतामा निर्माण हुनुपर्नेमा अधिकांश योजनाहरुमा जनसहभागीता शुन्य हुने अवस्था देखिएपछि जनश्रमदान संस्कृतिलाई प्रोत्साहन गराउनका लागि आफुहरु नै श्रमदानमा जुटेर खेलमैदान निर्माण गर्न लागिएको गाउँपालिका अध्यक्ष ज्ञान बहादुर बोहराले बताए । ‘खेलमैदान निर्माणका लागि करिब २० लाख रुपैयाँ लाग्ने देखिन्छ, हामी कम्तीमा पनि ३० प्रतिशत जनश्रमदान गर्नेछौं ।’ उनले भने ‘दक्ष प्राविधिक शुल्क, सामाग्री खरिद र ढुवानीका लागि चाहिने खर्च बाहेक बाँकी श्रमदान हामी जुटाउछौ ।’
उक्त खेलमैदान निर्माणका लागि प्रदेशबाट ८ लाख र गाउँपालिकाको स्वरोजगार कार्यक्रम मार्फत ५ लाख रकम छुट्याएको छ । विकासका लागि अरुको मुख ताक्ने भन्दा पनि जनप्रतिनिधि सहित काम सुरु गर्दा विकासले फड्को मार्ने अध्यक्ष बोहराको भनाइ छ । जनप्रतिनिधि र जनताको सम्बन्ध नङ र मासुको जस्तै बनाउन गाउँपालिकाले सँगसँगै काम गर्ने नीति बनाएको र सोहि अनुरुप दीगो विकासका लागि योगदानमा आधारित श्रमदान कार्यक्रम आजबाट सुरु गरिएको मष्टा गाउँपालिका–६ का वडाअध्यक्ष शिवराज बोहराले बताए ।
श्रमदान नीतिले श्रम गर्नेलाई सम्मान गर्न सिकाउने भएकोले यसले योजनामा हुने भ्रष्टाचार पनि नियन्त्रणमा आउने गाउँपालिकाको दाबी छ । जनप्रतिनिधिले अनिवार्यरुपमा श्रमदान गर्ने व्यबस्था कार्यान्वयनमा आएकाले अब विकास निर्माणमा स्थानीयको अपनत्व रहने समेत उनको भनाई छ ।
चैनपुरमा खानेपानी अनियमित हुँदा सदरमुकाम छोड्नुपर्ने बाध्यता, धेरैजसो होटेल बन्द
बझाङ सदरमुकाम र आसपास वस्तीमा खानेपानी र विद्युत अनियमित हुँदा सेवाग्राहीलाई सास्ती भएको छ । आइतबार, भदौ १६, २०८१
बझाङमा जब घरभित्र निदाइरहेका एक युवा पहिरोसँगै सेती नदीमा झरे
बझाङको छबिसपाथिभेरा- १ परिङ्गालका एक युवा निदाइरहेको अवस्थामा घर मुनीबाट पहिरो खस्दा घरसहित सेती नदीमा खसेका छन् । बिहीबार, भदौ १३, २०८१
जयपृथ्वी एफ.एम. बझाङ चौथौं वर्षमा प्रवेश
राष्ट्रिय विभुति तथा मानवतावादी राजा जयपृथ्वीबहादुर सिंहको मानवताबादी सिद्धान्त बोकी २०७८ साल भदौ ७ गतेबाट बझाङ र आसपासका जिल्लामा सुनिने गरि प्रसारणमा आएको जयपृथ्वी एफ.एम. बझाङ आज भदौ... शुक्रबार, भदौ ७, २०८१
बझाङको बुङ्गल पहिरो : घरभित्र च्यापिएका चारै जनाको शव फेला
सोमबार, भदौ ३, २०८१- चैनपुरमा खानेपानी अनियमित हुँदा सदरमुकाम छोड्नुपर्ने बाध्यता, धेरैजसो होटेल बन्द
- बझाङमा जब घरभित्र निदाइरहेका एक युवा पहिरोसँगै सेती नदीमा झरे
- जयपृथ्वी एफ.एम. बझाङ चौथौं वर्षमा प्रवेश
- बझाङको बुङ्गल पहिरो : घरभित्र च्यापिएका चारै जनाको शव फेला
- गैरसरकारी क्षेत्रबाट शिक्षा क्षेत्रमा भएको लगानी प्रशंसनिय छ
- बझाङका तीन पालिकामा माछा मार्न नपाइने
- गाउँपालिका जोड्ने सडक अवरुद्ध हुँदा स्थानीयले सास्ती भाेग्दै
- बझाङमा घाँस काट्ने क्रममा भीरबाट लडेर एक महिलाको मृत्यु
- बझाङमा जंगली विशालु च्याउ खाँदा दुई जना बिरामी, एकको अवस्था गम्भीर
