झण्डै तीन किलो चरेस सहित बझाङका एम्बुलेन्स चालक धनगढीमा पक्राउ

धनगढी उपमहानगरपालिका ३ बोराडाडीबाट चरेस सहित बझाङका एम्बुलेन्स चालक समातिएका छन्। बझाङबाट बिरामी लिएर धनगढी पुगेका एम्बुलेन्स चालक केदारस्यु गाउँपालिका ३ का ३७ वर्षीय रामबहादुर खाती पक्राउ परेका हुन । खाती रायल प्राथमिक स्वास्थ्य केन्द्रको सु.प.प्र ०१-००१ झ ०५४२ नम्बरको एम्बुलेन्सका चालक खातीको साथबाट २ किलो ८ सय ग्राम चरेस सहित पक्राउ गरिएको जिल्ला प्रहरी कार्यालय कैलालीले जनाको छ। खातीलाई सुदूरपश्चिम प्रदेश प्रहरीको आरआइटी, संघिय प्रहरीको टिम, जिप्रका कैलाली र वडा प्रहरी कार्यालय धनगढीको संयुक्त टोलीले समातेको हो।