करेन्ट लागेर मृत्यु भएका भण्डारीको क्षतिपूर्तिको माग गर्दै विद्युत प्राधिकरणको कार्यालय बझाङमा तालाबन्दी 

बझाङ: नेपाल कम्युनिस्ट पार्टीले नेपाल विद्युत प्राधिकरण बझाङ वितरण केन्द्रमा तालाबन्दी गरेको छ । नेपाल कम्युनिस्ट पार्टी बझाङ ले पटक-पटक बिधुत कार्यालयमा गएर बिधुत प्रसारण लाइन मर्मत तथा बिस्तारमा सुझाव सल्लाह दिँदा पनि लापरवाहि गरेको विज्ञप्तीमा उल्लेख गरिएको छ ।  

विद्युत प्राधिकरणको लापरबाहीका कारण शनिवार केदारस्युँ गाउँपालिकाका राम भण्डारीको करेन्ट लागेर मृत्यु भएको भन्दै उचित क्षतिपूर्तिको माग गर्दै विद्युत प्राधिकरणको कार्यालयमा तालाबन्दी गरेको हो । घटना प्रति खेद सहित दोषीलाई कारबाही गरी पिडित लाई उचित क्षतिपूर्ति दिन सम्वन्धित निकाय लाई दवाव स्वरूप जिल्ला बिधुत कार्यालय बझाङमा तालाबन्दी गरिएको बिज्ञप्तीमा भनिएको छ ।

विद्युत प्राधिकरणको कार्यालयमा टाँसिएको विज्ञप्ती