केदारस्युँ गाउँपालिकाको देउरामा नेपाल इन्भेष्टमेन्ट मेघा बैंकको एक्स्टेन्सन काउन्टर सञ्चालन 

बझाङ : बझाङको केदारस्युँ गाउँपालिकाको मुख्य केन्द्र रहेको देउरा बजारमा नेपाल इन्भेष्टमेन्ट मेघा बैंक लिमिटेडको एक्स्टेन्सन काउन्टर स्थापना गरिएको छ । आज गाउँपालिका अध्यक्ष गणेश बोहोरा, उपाध्यक्ष मनिसा धामि र प्रमुख प्रशासकीय अधिकृत पदमराज उपाध्यायले काउन्टरको उद्धघाटन गर्नुभएको हो ।

काउन्टरको उद्धघाटन गर्दै गाउँपालिका अध्यक्ष बोहोराले ग्राहाकको मन जित्दै गएको नेपाल इन्भेष्टमेन्ट मेघा बैंकले आफ्नो गाउँपालिकामा आएर सेवा दिन थालेकोमा आभार व्यक्त गर्नुभयो । उहाँले अब बैकंले कृषि, महिला उद्यमशिलता लगाएतको क्षेत्रमा रोजगार बढाउने तथा उत्पादनमुलक क्षेत्रमा लगानि र पालिकाबासिहरुको आर्थिक उन्नतीमा हातेमालो गर्न टेवा पुग्ने विश्वास व्यक्त गर्नुभयो ।

पालिकाको केन्द्रमा बैंक शाखा नहुँदा बैंकिङ कारोबारमा समस्या देखिएपछि गाउँपालिकाका सम्पुर्ण जनप्रतिनिधिहरुको पहलमा देउरा बजारमा बैंक शाखा स्थापना गरिएको हो । अब स्थानियहरुले बैंकिङ कारोबारको लागि पालिका बाहिर धाउनुपर्ने बाध्यता हट्ने भएको छ ।