नाननदेव मेला अन्तर्गत आज पुरुष भलिबलतर्फ तीनवटा खेल सञ्चालन

मष्टा गाउँपालिका वडा नम्बर १ र जयपृथ्वी नगरपालिका ३ को सिमाना डुङ्ग्रीमा लाग्ने नाननदेव मेला अन्तर्गत आज तीनवटा भलिबल र देउडा खेलहरु सञ्चालन भएका छन् । आज पहिलो दिन पुरुष भलिबलतर्फ तीनवटा खेल खेलाइएको छ भने बझाङकी चर्चित देउडा खेलाडी राजकला धामी र बैतडीका चर्चित खेलाडी केसब विष्टबीच घम्साघम्सी देउडा खेल भएको छ ।

आज भएका पुरुष भलिबल तर्फका खेलहरुमा छबिसपाथिभेरा गाउँपालिका वडा नम्बर १, जयपृथ्वी नगरपालिका वडा नम्बर ११ मयाना र तल्कोट गाउँपालिका वडा नम्बर १ ले बिजयी सुरुवात गरेका छन् । आज भएका तीनवटा खेलमा छबिसपाथिभेरा गाउँपालिका वडा नम्बर १ र मष्टा गाउँपालिका वडा नम्बर १ रोयल लेकी टिमबीचको पहिलो पुरुष भलिबल खेलमा छबिसपाथिभेरा गाउँपालिका वडा नम्बर १, डिजे स्मृति डुम्राकोट मष्टा गाउँपालिका वडा नम्बर १ र  जयपृथ्वी नगरपालिका वडा नम्बर ११ मयानाबीचको दोस्रो खेलमा जयपृथ्वी नगरपालिका वडा नम्बर ११ मयाना र  शहिद बृशबहादुर सिंह प्राविधिक शिक्षालय र तल्कोट गाउँपालिका वडा नम्बर १ बीचको तेस्रो खेलमा तल्कोट गाउँपालिका वडा नम्बर १ बिजयी भएका हुन् ।

भोली पहिलो खेल पुरुष तर्फ टिवाइसी जयपृथ्वी नगरपालिका ३ र जयपृथ्वी नगरपालिका वडा नम्बर ५ बिच हुने भएको छ ।  यसैबीच देउडा खेल पनि भोली पनि चल्ने नाननदेव मेलाका कार्यक्रम संयोजक रविन्द्र रोकायाले बताउनुभयो