सुर्मामा सम्पन्न चौगाउँ च्याम्पियन क्रिकेट प्रतियोगिताको उपाधि आयोजक साइनस्टार युवा क्लबलाई

शुभदिपावलीको अवषर पारि सुर्मा गाउपालिका ५ धौल्देउ माविको प्राङ्गणमा सञ्चालन भएको चौगाउँ च्याम्पियन क्रिकेट प्रतियोगिताको उपाधि आयोजक साइनस्टार युवा क्लब सुर्मा -५ ले हात पारेको छ । आज भएको फाइनल खेलमा समाजसुधार युवा क्लब दौलीचौर सुर्मा १ लाई ७३ रनले पराजित गर्दै साइनस्टार युवा क्लब सुर्मा -५ ले प्रतियोगिताको उपाधि हात पारेको हो । 

फाइनल खेलका लागि टस जितेर ब्याटिङ् रोजेको आयोजक साइनस्टार युवा क्लब सुर्मा -५ ले समाजसुधार युवा क्लब दौलीचौर सुर्मा १ लाई निर्धारित १२ ओभरमा १ सय ५० रनको लक्ष्य पेस गरेको थियो । उक्त लक्ष्यलाई पछ्याएको समाजसुधार युवा क्लब दौलीचौरले निर्धारित १२ ओभरमा लक्ष्य भेटाउन सकेन । यससँगै चौगाउँ च्याम्पियन क्रिकेट प्रतियोगितामा प्रथम स्थान हासिल गरेको साइनस्टार युवा क्लब सुर्मा -५ ले ४० हजार रुपैँयाँसहित मेडल, ट्रफि र प्रमाणपत्र हात पारेको छ भने दोस्रो स्थान हात पारेको समाजसुधार युवा क्लब दौलीचौर सुर्मा १ ले १५ हजार रुपैँयाँसहित मेडल, ट्रफि र प्रमाणपत्र प्राप्त गरेको छ । यही कात्तिक २४ गतेबाट सुरु भएको सुर्मा चौगाउ च्याम्पियन क्रीकेट प्रतियोगितामा २० टिम सहभागी रहेका थिए । 

प्रतियोगीतामा राम्रो प्रदर्शन गर्ने ब्याटिङ् तर्फ साइनस्टार युवा क्लबका सनम बोहरा बेष्ट व्याट्स म्यान बनेका छन् भने साइनस्टारकै गोपी जेठारा बेष्ट बलर बनेका छन्। आज आयोजक साइनस्टार युवा क्लब सुर्मा -५ का अध्यक्ष जनक जेठाराको अध्यक्षता सञ्चालन भएको समापन कार्यक्रममा प्रमुख अतिथि वडा नम्बर ५ का वडाध्यक्ष विरबहादुर जेठारा रहनुभएको थियो ।