छबिसपाथिभेरा-४ झुतेरामा सुरु भयो भलिबल प्रतियोगिता, आज दुई खेल भए

• उत्तम जोशी

 छबिसपाथिभेरा गाउँपालिका- ४ झुतेरामा वडास्तरीय पुरुष जुनियर भलिबल प्रतियोगिताको आज उद्धघाटन गरिएको छ ।

स्थानीय चाड तागासेलाई तथा शुभ दिपावलीको अबसर पारेर बान्नीमष्टा जागरण युवा क्लब झुतेराले आयोजना गरेको वडा तथा टोलस्तरीय पुरुष जुनियर भलिबल प्रतियोगिताको आज उद्धघाटन गरिएको हो ।

बान्नीमष्टा जागरण युवा क्लबका अध्यक्ष सिद्धाराज थापाको अध्यक्षतामा छविसपाथिभेरा–४ झुतेराको जनपृय आधारभूत विद्यालयको खेल मैदानमा आज उद्घाटन गरिएको कार्यक्रममा छबिस पाथिभेरा गाउँपालिका बड़ा नं ४ का वड़ाध्यक्ष अम्मराज थापा प्रमुख अतिथी रहनुभएको थियो ।

आज पहिलो दिन भलिबल प्रतियोगितामा दुईवटा खेल खेलाइएको त्यहाँबाट जयपृथ्वी एफएम नेटवर्कका संवाददाता उत्तम जोशीले जानकारी दिनुभयो ।

पहिलो खेल आयोजक ए र छबिस पाथिभेरा गाउँपालिका वडा ६ बीच भएको खेलमा आयोजक ए बिजयी भएको छ । दोस्रो खेलमा दाना स्पोर्ट्स र आयोजक सि बिच भएको खेलमा दाना स्पोर्ट्स बिजयी भएको छ।

बाँकी खेल भोलीदेखि हुने भएका छन् । भलिबल प्रतियोगितामा पालिका भित्रका २४ ओटा टिमको सहभागिता रहेको छ । प्रतियोगितामा प्रथम पुरस्कार रु २५ हजार, द्वितीय रु १५ हजार र तृतीय पुरस्कार रु १० हजार रुपैयाँ रहेको छ ।