सुरु भयो प्रथम गणेश स्मृती फुटबल प्रतियोगिता, आयोजक भोपुर युवा समाज वि र मोर्तोली टिमको बिजयी सूरुवात

बझाङमा प्रथम गणेश स्मृती फुटबल प्रतियोगिताको उद्धघाटन भएको छ । शुभ दिपावली तथा छठ पर्वको अवसरमा भोपुर युवा समाजले आयोजना गरेको उक्त प्रतियोगिताको आज एक औपचारीक कार्यक्रमका बिच उद्धघाटन गरीएको हो । 

भोपुर युवा समाजका अध्यक्ष रमेश केशीको अध्यक्षतामा सञ्चालन भएको कार्यक्रममा संविधान सभा सदस्य अफिलाल ओखेडा प्रमुख अतिथी रहनुभएको थियो ।

गत महिना इजरायलमा हमासको आक्रमणमा परि ज्यान गुमाएका जयपृथ्वी नगरपालिका ११ भोपुरका स्थानिय गणेश नेपालीको सम्झनामा प्रथम गणेश स्मृती फुटबल प्रतियोगिता आयोजना गरिएको भोपुर युवा समाजले जनाएको छ ।

फुटबल प्रतियोगिता अन्र्तगत आज पहिलो दिन दुई वटा खेल सम्पन्न भएका स्थानिय तथा भोपुर युवा समाजका सदस्य राइस क्याप्टेन रमेश जोशीले जानकारी दिनुभयो । आज भएको पहिलो खेलमा आयोजक भोपुर युवा समाज वि र चौगाइ डट कम बिच खेल भएको छ ।

जस्मा आयोजक भोपुर युवा समाज वि विजयि भएको छ । दोस्रो खेलमा मोर्तोली टिम जयपृथ्वी नगरपालिका २ र जनपा -९ देवल टिम बिच भएको थियो । यस्मा मोर्तोली टिम जयपृथ्वी नगरपालिका २ ले जित हात पारेको छ । जिल्ला स्तरिय फुटबल प्रतियोगितामा जिल्लाका १६ टिमको सहभागिता रहेको आयोजकले जनाएको छ । अन्य टिमहरु बिच खेल भोली बिहान ८ बाट सुरु हुने छन् ।

प्रतियोगितामा प्रथम पुरस्कार रु. ६५ हजार र द्धितिय पुरस्कार ३१ हजार ट्रफी,मेडल र प्रमाणपत्र सहितको व्यवस्था गरिएको छ । यसैबिच जयपृथ्वी नगरपालिका ११ ठानाचौरमा पनि टोल स्तरिय भलिबल प्रतियोगिता र देउडा कार्यक्रम आजबाट सुरु भएको छ ।

स्थानीय पर्व तागासेलाईको अवसर पारेर वडा कार्यलयले आयोजना गरेको टोलस्तरिय भलिबल तथा देउडा प्रतियोगिता आजदेखि सुरु भएको जनपा ११ का वडाध्यक्ष सर्जन ब थापाले जानकारी दिनुभयो । भलिबल प्रतियोगितामा प्रथमले २५ हजार, द्वितीयले १८ र तृतीयले ११ हजार नगद पुरस्कार पाउने आयोजकले जनाएको छ ।